Лична Карта ДУРДМОВ
Државното училиште за рехабилитација на деца и младинци со оштетен вид „Димитар Влахов“е образовна и рехабилитациона установа во Република Северна Македонија со долгогодишна традиција и посветеност на создавање инклузивна и поддржувачка средина за учениците со оштетен вид. Со професионален тим од специјални едукатори и рехабилитатори, наставници и стручни лица, училиштето обезбедува индивидуализирани образовни програми и рехабилитациски услуги кои го поттикнуваат интелектуалниот, социјалниот и креативниот развој на децата, овозможувајќи им успешно да се интегрираат во општеството. Училиштето егзистира веќе 70 години. Негова задача е да едуцира и рехабилитира деца и младинци со оштетен вид до степен на осамостојување за професионален и личен живот. Во рамките на училиштето има: основно училиште, средно училиште, нижо музичко училиште и ученички дом.
Мисија и Визија
Во текот на својот од – низ децениите нашето училиште неуморно ја реализира својата образовна и културна мисија: Училиштето за рехабилитација на деца и младинци со оштетен вид егзистира веќе 70 години. Негова задача и цел е да едуцира и рехабилитира деца и младинци со оштетен вид до степен на осамостојување за професионален и личен живот. Крајната цел е интеграција на овие деца во сите сфери на општественото живеење и делување. Сето ова се постигнува преку следење на основното училиште, музичкото училиште и средното стручно образование. Ние сме училиште во кое се негува меѓусебна почит, еднаквост, безбедност, мотивираност и етничка толеранција.
Исполнувајќи ја мисијата на училиштето, секојдневно се стремиме кон остварување на нашата визија:
- Училиште кое ќе одговара во целост на индивидуалните потреби на децата и потребите на родителите, со пријатна клима за работа и престој во училиштето. Располага со соодветен високо професионален стручен кадар кој ќе има можност да ги следи сите нови текови во тифлопедагогијата и ќе го напредува професионалниот развој на сите вработени.
- Училиштето ќе биде опремено со кабинети со специфични, современи тифлотехнички наставни средства и дидактички материјали, со примена на методи на активно учење и индивидуализиран пристап и индивидуална настава.
- Крајната цел е интеграција на децата и младинците со оштетен вид во сите сфери на општественото живеење и делување.
- Кон остварување на оваа наша определба се насочени сите структури кои го сочинуваат нашето училиште.
- Училиште со квалитетна и современа настава според потребите на учениците.
- Училиште со креативен и поттикнувачки карактер, кое со современи методи го обликува детето во човек кој е отворен и подготвен за средба со понатамошните образовни, професионални и пред се животни предизвици.
- Училиште со креативни и упорни ученици за кои остварената визија би била констатацијата.
- Училиште кое ќе биде поддршка на децата со оштетен вид во редовните училишта.