Средното образование при ДУРДМОВ, Димитар Влахов” им овозможува на учениците да се стекнат со соодветно образование кое одговара на нивните афинитети и способности до степен на осамостојување за професионален и личен живот.
Во рамките на Средното стручно училиште непречено функционираат следните струки:
- Здравствена струка со четиригодишно образование со образовен профил - физиотерапевтски техничар,
- Графичка струка со образовен профил – книгоповрзувач - картонажер,
- Ссобраќајна струка со образовен профил – манипулант на телефонска централа и работно оспособување за учениците со оштетен вид и додатна попреченост.
Посебен акцент се става на стручните предмети и практичната настава, преку кои учениците се оспособуваат да станат независни личности, а воедно и корисни членови на општеството. Практичната настава се реализира паралелно со стручно – теоретската настава. Има за цел да ги оспособи учениците за извршување на определени работи и работни задачи: почитување и применување на правилата на однесување на работното место, примена на теоретското стручно образование во практиката.
Во зависност од потребите, целта е во иднина да се отворат нови струки и образовни профили, сè со цел поголемо вклучување на лицата со оштетен вид, нивно професионално усовршување, финансиска егзистенција и целосна интеграција на овие деца во сите сфери на општественото живеење и делување.
