Училиштето како единствена тифлопедагошка установа во нашата земја преку одделенската настава овозможува успешно вклучување на учениците со оштетен вид во системот на образование, користејќи современ пристап, методи, средства, помагала, нови технологии и цели во организација на наставата. Активностите во одделенската настава започнуваат со рана детекција на децата со оштетен вид и нивна успешна адаптација во училишната средина која е подготвена и адаптирана за секое дете. Во одделенска настава од прво до петто одделение се реализираат наставни планови и програми според новата концепција на Министерството за образование и наука, издадени од Бирото за развој на образованието на Република Северна Македонија кои се адаптирани според тифлолошки правила и принципи. Самата организација на училницата (мебел, тифло-дидактичка опременост, технологија) ги следат персоналните потреби при поучувањето на учениците.
- За учениците кои и покрај диференцијацијата на наставата не можат да се вклучат и да напредувааат во учењето, од страна на ИТУ (инклузивен тим за ученик) се изработуваат индивидуални програми (ИОП) или модифицирана програма.
- Во рамките на воспитно-образовната дејност, во одделенска настава се организираат и остваруваат разновидни воннаставни активности во согласност со развојните потреби и интереси на ученицитe и со нивното активно учество, со цел Училиштето да стане место за социјализација на учениците и привлечна средина за учење. Основната цел на воннаставните активности се стекнување знаења, вештини, вредности, запознавање и максимално развивање на способностите, потенцијалите и знаењата на учениците.
- Современиот пристап при организација и реализација на одделенската настава е поддржан преку вклучување на стручни лици во Еразмус + проекти насочени во адаптација на средстава и помагала кои го помагаат учењето на ученикот со оштетен вид.
