Во состав на основното училиште при ДУРДМОВ”Димитар Влахов” работи и основното музичко училиште чиј развој и дејност го пратат развојниот пат на ДУРДМОВ”Димитар Влахов” од самиот почеток во 1954 па до денес, бележејќи значајни успеси.
Основни задачи на основното музичко училиште се:
- Развивање на слухот кај учениците,
- Развивање на интерес за музичко образование,
- Оспособување и подготвување на учениците за свирење на одреден инструмент за полесно да се интегрираат во средината во која живеат и работат,
- Подготвување на талентираните ученици кои имаат интерес за продолжување на нивното образование во некое од Средните музички училишта во Македонија,
Наставата во Училиштето се изведува според наставниот план и програма на основите музички училишта во државата.
Школувањето трае шест години и во Училиштето се застапени наставните предмети: солфеж, теорија на музика и инструмент. Според желбите и а финитетите на учениците се изучуваат инструментите пијано и хармоника.
Од учебната 2022/2023 година е создаден и нашиот училиштен музички бенд “Звучен бран”, во кој учениците пеат и свират и истиот е показател на целокупната работа на наставничкиот кадар во основното музичко училиште. Училишниот музички бенд го следи голем успех преку голем број настапи организирани во Училиштето и надвор од истото.
