За проектот
Главната цел на проектот е преку интеркултурен дијалог, активности поврзани со градење мир и соочување со случувањето од минатото на територијата на Западен Балкан да се спроведат две мобилности (младински размени). Покрај три главни теми во нивниот проект исто така ставаат акцент и на социјалната инклузија и подигање на свеста за лицата со оштетен вид. За време на проектот се реализирани две размени со ученици од Скопје и Сараево.
Првата размена се случи во март 2022 година, 8 наши ученици, придружени од 4 вработени во нашето училиште во Сараево, БиХ, каде 7 дена се реализираа низа на спортски активности (гол бол, шах, пикадо), музички активности (дискусија за музичката култура и традиција на Босна и Македонија, свирење и изведување на песни од двете култури, дискусија за разликите и сличностите), ликовна работилница (дискусија за споменици во Македонија и Босна, изработка на спомениците од глина и изработка на еден заеднички споменик што ќе симболизира МИР), посета на културни и историски места во Сараево, приготвување на Босански специјалитети и сл. Во дел од активностите во Сараево ќе се вклучат и ученици врсници од Сараевски гимназии, заедно со нашите ученици ќе играат гол бол, шах, пикади, нашите учениците ќе ги учат Брајово писмо, а потоа ќе изготвуваат картички со пораки за МИР на Брајово и видно писмо.
Втората размена се случи на почетокот на јуни 2022 година, кога 10 ученици од Босна, реализраа мобилност во Скопје, исто така 7 дена се реализираа различни активности преку кој гостите се запознаа со традицијата и културата на Македонија, зборувавме за можностите на лицата со оштетен вид да се запишат на факултет, за таа цел се организираше посета на Филозофскиот факултет, каде дискутиравме по ова прашање, се прикажаа примери од секојдневниот живот, за време на оваа посета зборувавме и за тоа колку факултетите се пристапни за лицата со оштетен вид, ќе го посетиме и Музејот во рамките на филозофскиот факултет, каде професор ќе одржи работилниза за заедничката иторија на Македонија и Босна.
За RYCO
RYCO е меѓувладина организација (создадена по иницијатива на 6те влади од ЗБ) која управува и промовира регионална и интеркултурна соработка на младите од Западен Балкан. Програмите на RYCO се фокусираат на создавање можности за младите луѓе да се вклучат во активности кои градат меѓусебно разбирање и помирување во граѓанските, социјалните, образовните, културните и спортските домени. RYCO иницира и учествува во креирањето политики и се залага за воведување позитивни реформи во Западен Балкан.
За програмата Суперучилишта
RYCO Superschools е програма на RYCO за училишна размена во Западен Балкан со цел да се поддржат процесите на градење мир и помирување и меѓукултурното учење и дијалог. Програмата е дел од тригодишниот проект со повеќе донатори кофинансиран од Европската Унија и германското федерално министерство за економска соработка и развој (BMZ) и имплементиран од Германско друштво за меѓународна соработка (ГИЗ) заедно со Регионалната канцеларија за младинска соработка (RYCO). Проектот има вкупен буџет од 5,5 милиони евра и придонесува за севкупната цел за зголемување на вештините и знаењето на младите луѓе од Западен Балкан преку унапредување на образовните системи и промовирање на соработката во регионот, преку воспоставување регионална шема за размена на училишта.
За време на првиот отворен повик за суперучилишта, RYCO доби 127 предлози за размена,. Одборот за избор имаше тешка задача да избере 30 најдобри проекти насочени кон поддршка на процесите за градење мир и помирување и меѓукултурното учење и дијалог меѓу училиштата, учениците и нивните заедници.
